1.
Svima nam je znana,
Bogum odabrana,
Maslina drobnica,
Uja je krajica.

2.
Stolića živila,
Svemu prkosila,
Šušum se borila,
Oskudno živila.

3.
Ritko bi se kago
Dažja tin napila,
otike vidila,
njoja obribila.

4.
Snagum svojih žilah
Vodu nahodila,
A od sunca sjajnog
Oganj si činila.

5.
U teške si dane
Sva zahrjavila,
Sprčima borila,
I bišu dobila.

6.
Studin te glojala,
Bidnu nagrišpala,
Sva se napatila,
Jedva izorcala.

7.
Isto si iz gire
Mladice pustila,
Cvićum se kitila,
Težaku vridila.

8.
Plodum si rodila,
Uja mu donila,
Skavca bi se puna
Pun doma nosila.

9.
Riba nam pečena
Nebi slatka bila,
Ako se sa ujum
Ne bi poulila.

10.
Gruda i čimule
Ne bi se ni jile,
Ako se sa ujum
Ne bi začinile.

11.
Ulenice svitlo
Uvečer bi sjalo,
Dokli se molilo,
Jilo i kantalo.

12.
Spomin pokojnima
Sluminum smo dali
Uz mističnu svitlost,
Tako smo užali…

13.
Zato tebe draga
Maslina drobnica,
Oduvik zovemo:
-Naša si krajica